Prins fûcs in regjon, za studâts sul Cjars

A plui o mancul un an di distance dai prins fûcs boschîfs che a àn sconvolt il Cjars, inte zornade di lunis al è stât domât di Rupinpiccolo e Rupingrande il prin fûc dal Istât 2023. Di bon, lis scuadris metudis in cjamp a son rivadis daurman a domeâ lis flamis, svampadis pe presince di bruscjams intune aree di plui o mancul 200 metris cuadris. Daspò l’alarme, di là des Vuardiis dal fûc e dai oms dal Cuarp forestâl di Duìn, a son rivâts sul puest i volontaris de scuadre comunâl di antifûc boschîf di Sgonico e i volontaris antifûc boschîf di Monrupino, impegnâts po dopo inte bonifiche de zone. (A.I.) – 11.07.2023