Dal 2000 la Agjenzie pal ambient dal Friûl-Vignesie Julie e à inviât, uniche a nivel nazionâl, une campagne di misure dal radon in dutis lis struturis scolastichis, publichis e privadis di ogni ordin e grât, fasint plui di 20 mil controi in plui di 2 mil struturis. I risultâts dai controi a confermin lis concentrazions altis di radon dentri dai edificis no son raris inte nestre regjon che, par composizion e conformazion dal sot tiere, e presente fuartis concentrazions di chest gas naturâl radioatîf.
Intal 2022 a son stadis monitoradis 79 struturis scolastichis, cjapâts dentri i nîts e lis scuelis de infanzie, e a son stâts rilevâts 21 superaments des concentrazions permetudis. Dome intal ultin mês i superaments segnalâts a son stâts une desene.
Il radon al è un gas naturâl inert e radioatîf, inodôr e smamît, prodot dal decjadiment dal urani, presint intal sot tiere cuasi dapardut. (A.D.G.) – 14.03.2023
