39
La Polizie di Udin e à blocât lunis passât un citadin rumen di 26 agns che al vîf a Milan e cirût par une rapine ingriviade.
L’om al è stât viodût e identificât dilunc dai controi sul teritori di une patulie de Scuadre volante cuant che al passave par vie Pietro di Brazzà. I agjents a àn viodût un om e une femine che a lavin ator par strade cun mûts suspiets.
Dai controi al è saltât fûr che a jerin par ducj i doi precedents par reâts cuintri la persone e il patrimoni.
Soredut pal om, il tribunâl di Gjenue al veve dât fûr un ordin di custodie cautelâr par vê rapinât tal Zenâr dal 2021 un om di 72 agns che al veve intor un orloi Rolex. (a.d.g.) – 04.09.2024
