Al è stât cjapât a Milan ancje l’ultin component de bande di criminâi che dilunc dal Istât passât e veve fat dôs rapinis violentis cuintri des salis di zûc a Remanzâs e a Silea in provincie di Trevîs.
Si trate di un rumen di 46 agns, za cognossût aes fuarcis dal ordin e cumò in preson cu la acuse di rapine ingriviade, blocât dai carabinîrs di Trevîs.
Chei altris trê compliçs a jerin stâts arestâts ai 31 di Lui a Nabresine intant che a cirivin di passâ il confin cu la Slovenie. Par rivâ a cjatâ il cuart component de bande a son stadis fondamentâls lis analisis dai telefonins secuestrâts ai compliçs, che a jerin ancje stâts cjatâts cun 4 mil euros in contants e cun vistîts che a jerin une vore simii a chei doprâts intes rapinis. (a.d.g.) – 05.12.2024
