Record di clamadis di emergjence a Nadâl, ma une su dôs e jere false

Al è stât un altri Nadâl di lavôr pal Nue 112, il numar unic pe emergjence in Friûl Vignesie Julie, che al à racuelt in dut 1.777 clamadis intes 24 oris, in cressi di cuasi l1,5% a pet dal an passât. La tipologjie di domandis e je cambiade un pôc: simpri tantis chês par incidents stradâi, une ventine, ma a son stadis tantis ancje lis clamadis par fastidis dilunc dal moment dal gustâ, intant che vot personis si son sintudis mâl dilunc des cerimoniis religjosis. Siet lis clamadis di socors par signestris su lis pistis e, magari cussì no, ancjemò tantis segnalazions par robariis, une desene. In ogni câs, une buine metât des 1.777 clamadis a son risultadis “no di emergjence”, duncje ‘ impropriis’ . (A.I.) – 27.12.2022