73
La Zonte regjonâl e à fat bon il “Program regjonâl 2023 Disturp zûc di azart” che la sô atuazion e cjape dentri la firme di une convenzion cu la Aziende regjonâl di coordenament pe Salût (Arcs) par un impuart di 188.640 euros che a paiaran lis ativitâts previodudis.
La gnove e rive dal assessôr regjonâl ae Salût Riccardo Riccardi, che al à visât che a son cetantis lis ativitâts di fâ in graciis dai bêçs metûts a disposizion. Tra chestis incuintris di formazion e sensibilizazion sul disturp pal zûc di azart dedicâts a ducj, iniziativis di formazion pai zovins, une campagne di informazion e di comunicazion regjonâl par promovi il Numar vert regjonâl e cetantis altris iniziativis. (a.d.g.) – 30.08.2024
