116
A van indenant lis ricercjis a Premariâs di Cristian Casian Molnar, il zovin di 25 agns puartât vie cun altris dôs zovinis des aghis dal Nadison tal dopomisdì di vinars ai 31 di Mai, cuant che il flum si è sglonfât in pôc timp pe tante ploie vignude ju’ intes Vals.
I cuarps des dôs zovinis, Patrizia Cormos di Cjampfuarmit, studentesse de Accademia di Belle Arti Tiepolo di Udin, e Bianca Doros, la sô amie rumene, a son stâts cjatâts vie pe matine dai 2 di Jugn, ma dal fantat ancjemò no si sa nuie. In vore passe 50 pompîrs che a stan controlant une aree di 7 chilometris, doprant gomons, drons e elicotars. (a.d.g.) – 03.06.2024
