Ricoverât in ospedâl dopo jessi colât dal casson dal so camion a Pradaman

Infortuni sul lavôr vuê di matine a Pradaman, indulà che un autotraspuartadôr che al vîf in provincie di Vignesie al è colât mâl dal casson dal so camion intant che lu stave cjamant.

L’incident al è sucedût intal stabiliment de International Express Transport di vie Pasolini e al è stât necessari clamâ une ambulance che e à puartât daurman l’om tal Pront Socors dal ospedâl di Udin.

Sul puest ancje i carabinîrs di S. Pieri dal Nadison e il personâl dal Servizi di Prevenzion, igjiene e sigurece intai ambients di lavôr. (a.d.g.) – 04.04.2025