Doi colps in dôs ativitâts vie pe gnot a Udin, fats intal stes mût, ven a stâi rompint barcons, puartis o vetrinis.
Il prin al è stât fat li dal Giangio Garden dal parc Brun, tor de une di gnot. In pôc timp, e cun dut che l’alarme si è metût a sunâ, i laris a son jentrâts butant dut par aiar e sbregant vie la cassete di sigurece indulà che a jerin i bêçs.
Pôc dopo, tor des 2 e mieze, si è metude a sunâ une altre sirene, chê dal sisteme di sigurece de pizarie Cantina Fredda in vie Di Toppo. In chest câs i laris a àn scancarât la sierande e daspò di vê spacât une lastre a son jentrâts puartant vie il regjistradôr di casse, cjatât plui tart intal mieç di un strop di jerbe in vie San Daniele.
Lis investigazions lis fasin i carabinîrs. (a.d.g.) – 30.04.2024
