56
Cundut che a jerin clârs i cartei di improibizion di passâ sul vât dal torint Maline a Premariâs, un om al à cirût di lâ indenant di istès e al è stât puartât vie de aghe. Sul puest a son rivâts daurman i Vigjii dal fûc di Cividât, che a àn rivât a cjapâlu e a metilu in sigurece prime che al fos masse tart. Subite dopo al è rivât l’elicotar dal socors regjonâl che lu à tirât su’ e puartât dai infermîrs che lu spietavin intun cjamp dongje par curâlu. Dopo l’om, che si jere fat mâl tes gjambis, al è stât puartât in ospedâl.
I pompîrs a racomandin di rispietâ simpri i cartei che a visin de improibizion di acès parcè che i vâts a son pericolôs ancje cuant che dut al somee cuiet. (a.d.g.) – 24.03.2025
