Un om di 65 agns al è stât socorût a Sapade, intor aes 11 e mieze di sere, dai sanitariis de ambulance e dal elisocors dopo che al à vût un infart e al è lât in arest cardiocircolatori.
La clamade ae Sores e je rivade de Centrâl operative dal 118 di Belum. La persone si lamentave un dolôr toracic, dopo al à pierdût cognossince e il so cûr al à molât di bati. Lis primis manovris di rianimazion cardiopolmonâr a son stadis inviadis des personis che si cjatavin cul om in chel moment.
A pene dopo e je rivade la ambulance di Sapade che il so ecuipaç al à continuât lis manovris di rianimazion, supuartât ancje dai sanitaris dal elisocors rivât a tiere inte plaçute a pueste intal paîs. Par fortune il cûr dal om al à tornât a bati. Al è stât traspuartât dopo in svol al ospedâl di Udin. (A.D.G.) – 11.01.2023
