Sant Martin cheste volte al jentre in ostarie

Gnûf apontament cun “Estate di San Martino in osteria”, progjet organizât di Pro Loco Città di Udine, Comitato Friulano Difesa Osterie e Confesercenti Udine. Cuatri dîs dedicâts al gust, cu la partecipazion di ben 21 ostariis: di fat, la tierce edizion de rassegne si intitularà chest an “In ostarie a Sant Martin ancje cjastinis e bon vin”. Ognidune des ostariis di Udin, ma ancje di Buri, rivis Darcjan e Sant Denêl, e proponarà di joibe ai 10 a domenie ai 13 un menù speciâl cun imbinade di vin, a presits calamirâts da 3,20 ai 18 euros. (A.I.) – 10.11.2022