Scjampât par dôs voltis dai arescj domiciliârs, albanês ae fin al torne in preson

Un spaçadôr albanês che al jere ai arescj domiciliârs al è lât fûr di cjase par dôs voltis in trê dîs e cussì al à scugnût tornâ in preson su decision dal Tribunâl di Pordenon. L’om al jere stât arestât une prime volte ai 23 di Zenâr dopo che i agjents de Vuardie di finance lu vevin cjatât cun 356,8 grams di cocaine in trê sacuts.

Dilunc de percuisizion a jerin saltats fûr ancje doi belancins di precision e 2.120 euros in contants che a jerin stâts secuestrâts intant che il spaçadôr al jere stât metût ai arescj dentri cjase. Il di’ dopo, dut câs, l’albanês al jere lât vie e scuviert te zornade dopo dentri cjase di une femine, indulà che i financîrs lu vevin blocât une altre volte, par puartâlu dret in preson. (a.d.g.) – 28.01.2025