Scjassade di taramot in Slovenie, a 10 chilometris di Drencje

Scjassade di taramot cun magnitudo 3.3 vuê aes 3 e 21 dopomisdì cun epicentri a Kanal in Slovenie, pôc di là dal confin a une desene di chilometris di Drencje. L’event sismic al è stât sintût in maniere clare inte aree des Vals dal Nadison e inte zone di Cividât, cussì tant che inte zone di Gurize.

No si regjistrin al moment dams a robis o a personis. (a.d.g.) – 11.09.23