Joibe di matine intun cantîr a Udin, inte zone di vie Piutti, al è stât un sclop. Une machine operadore e à tocjât un cabli de alte tension, causant une discjariade eletriche che e à cjapât une tubazion dal gas. La faliscje e à causât une fuarte esplosion. Diviersis scuadris des Vuardiis dal fûc a son rivadis di corse sul puest e l’intervent al à vût consecuencis ancje sul trafic feroviari regjonâl par plui o mancul un pâr di oris, tal dopomisdì, cuant che intes zonis e je stade gjavade la corint daspò dal vuast ae linie eletriche. Il discomut al à causât intarts di plui o mancul une cuarantine di minûts par cualchi tren regjonâl e la cancelazion di altris convois, ma la circolazion e je tacade in maniere regolâr ae metât dal dopomisdì. (A.I.) – 09.11.2023
111
