Screât il gnûf Centro del riuso a Udin

Ancje Udin e à un spazi dedicât ae racuelte e ae distribuzion di ducj i bens e imprescj doprâts che a son ancjemò bogns par jessi doprâts.

Il Centro del riuso dal Comun di Udin al è stât screât vuê in maniere uficiâl ae presince dal assessôr comunâl al Ambient e dai sorestants de net. Il centri di vie Rizzolo al vierzarà pe prime volte sabide ai 25 di Mai, inte zone a Nord de citât.

I citadins a podaran puartâ mobii, imprescj e ogjets di lôr proprietât che a sedin in bon stât e che a podaran jessi cjapâts su’ dopo cence paiâ nuie, in non de sostignibilitât e de economie circolâr, permetint cussì ancje di ridusi i refudums. (a.d.g.) – 23.05.2024