Screât vuê di matine il gnûf implant autovelox dilunc de Sr 177 Çumpiel-Secuals

Il gnûf implant autovelox dilunc de Sr 177 Çumpiel-Secuals al è stât screât vuê di matine. Il sisteme di misurazion de velocitât al è fat di cuatri telecjamaris, dôs par ogni sens, che a misurin trop che e côr in medie une auto dilunc di trê chilometris.

Lis telecjamaris, paiadis cun fonts de Regjon par 400 mil euros, a lavorin ancje se si viôt pôc, parcè che a doprin i infraròs. In plui, e je stade metude ju’ ancje une segnaletiche orizontâl a pueste e cartelons par morestâ la velocitât e i sorpàs pericolôs. (a.d.g.) – 02.04.2024