Trê personis a son stadis socorudis cheste matine pes feridis che a àn ripuartât dopo di un incident stradâl intal teritori di Muimans, dilunc de regjonâl 54, dulà che dôs veturis si son dadis cuintri in maniere frontâl. Intal scuintri, une des dôs autos e je finide a ôr strade, in part intun fossâl.
Dopo la clamade di jutori, sul puest a son rivâts i sanitaris cuntune ambulance e l’elisocors, di là dai carabinîrs de Compagnie di Cividât e des Vuardiis dal fûc. I pompîrs, doprant fuarpiis e divaricatôrs idraulics, a àn taiât i lamarins di une des veturis cjapadis dentri intal incident par tirâ fûr dal abitacul une persone incjastrade dentri dal mieç.
Lis trê personis feridis a son stadis traspuartadis al ospedâl Sante Marie de Misericordie di Udin: dôs in ambulance e une cul elisocors simpri in codiç zâl, dutis stabilis e cussientis. (a.d.g.) – 21.08.2023
