Scuintri frontâl a Puçui, une vitime

Une persone e je muarte inte matine sul tart di vuê dopo di un incident stradâl a Puçui, in jessude dal paîs, direzion Çuian, in maniere indicative ae altece dal esercizi public “Cjasal di Pition”, intal trat de regjonâl che e cjape il non di vie IV Genova.

Par causis in cors di aciertament (sul puest i carabinîrs e la polizie locâl), dôs veturis si son dadis cuintri in maniere frontâl. Il personâl medic infermieristic rivât sul puest al à tentât lis manovris di rianimazion pe persone risultade tant grave, che però e je spirade.

Une seconde persone coinvolte intal incident e je stade traspuartade al ospedâl Sante Marie de Misericordie di Udin in cundizions gravis. (A.D.G.) – 22.05.2023