Scuintri frontâl tra auto e camion a Buri

Trê personis a son stadis socorudis chest dopomisdì pes feridis ripuartadis dopo di un frontâl tra un auto e un camion dilunc de strade regjonâl 56, in vie Nazionâl, intal trat tra la taronde di Lovarie e la taronde di Buri.
Un anzian, restât incjastrât inte veture, al è in cundizions seriis e al è stât ricoverât al ospedâl Sante Marie de Misericordie di Udin. Il trat de strade regjonâl 56 al è restât sierât al trafic par plui di dôs oris
Sul puest a son rivadis dôs ambulancis e une machine di emergjence mediche di Udin, lis Vuardiis dal fûc e i carabinîrs. (A.D.G.) – 24.03.2023