Scuintri frontâl tra auto e camion ae jessude Sacîl Est de A28

Incident frontâl tra un camion e une veture inte matine sul tart di vuê a Fontanefrede, sul racuardi de A28 ae jessude di Sacîl Est. A son restadis cjapadis dentri trê personis. Dôs no si son fatis nuie e, dopo i controi sul lûc dal incident di bande dal personâl sanitari, a àn vût miôr no lâ in ospedâl, intant che la tierce e je stade traspuartade in ambulance, cun feridis no gravis, al ospedâl di Pordenon.

Intant che i sanitaris rivâts cun ambulance di Sacîl a davin lis primis curis al automobilist ferît, lis Vuardiis dal Fûc a metevin in sigurece il mieç pesant e l’auto. Sul puest a son intervignûts ancje Carabinîrs, Polizie Locâl di Sacîl e personâl di Autovie. (A.D.G.) – 08.03.2023