Scuintri mortâl a Cormons dilunc de strade regjonâl 56

Incident stradâl grâf cheste matine a Cormons, dulà che un om di 60 aigns al è muart par vie di un scuintri frontâl tra dôs machinis sucedût su la strade regjonâl 56, intal trat dilunc di vie Isonzo. Imediâts i socors rivâts cuntune ambulance, une machine di emergjence mediche e un mieç dai pompîrs, intant che par vie des cundizions meteo dificilis l’elisocors nol è podût intervignî.

Trê lis personis coinvoltis intal incident. Pal om, cundut des manovris di rianimazion, nol è stât nuie di fâ par vie des feridis gravis. (A.D.G.) – 2.01.2023