Un om al è stât socorut chest dopomisdì pes feridis ripuartadis dopo di un incident stradâl capitât a Lucinîs di Gurize, dilunc di vie Brigata Re, in maniere indicative ae altece dal civic 13.
Par causis in cors di aciertament de bande des fuarcis dal ordin (sul puest i Carabinîrs de Compagnie di Gurize), l’om, intant che al jere in siele ae moto, si è dât cuintri cuntune veture e, dopo dal impat, al è colât malementri sul asfalt.
A dâ l’alarme, clamant il numar unic di emergjence Nue112, al è stât un militâr de Arme libar dal servizi. I infermîrs de Sores a àn inviât daurman sul puest l’ecuipaç di une ambulance di Gurize e a àn ativât l’elisocors dopo jentrât.
Il motociclist, che al è simpri restât cussient, al è stât traspuartât in codiç zâl al ospedâl di Gurize pe cure di feridis ai articui.
Inte auto dôs personis, une che di chês minôr: a son stadis judadis dal ecuipaç di une ambulance de Crôs Verde di Gurize pal spac provocât dal impat, e ancje se no àn ripuartât nissune feride a son stadis puartadis in codiç vert al ospedâl di Gurize par precauzion. (A.D.G.) – 28.02.2023
