9
La Vuardie di Finance di S. Zorç di Noiâr e à scuviert un zîr di faturazions faladis par plui di un milion di euros e denunziât cinc aministradôrs di cualchi societât cun sede in Venit e in Campanie. A son ducj acusâts di vê mandât fûr e doprât documents par operazions che no esistevin.
Tra chei acusâts al salte fûr un imprenditôr di Udin, di 50 agns, che par otignî vantaçs injustificâts in graciis di une imposizion fiscâl plui lizere, al veve viert par fente in Slovenie la sede legâl de sô aziende che e lavorave tal setôr dai profilâts di alumini. Dilunc des investigazions i agjents a àn cjatât fûr che il volum dai afârs efetîfs e no declarâts al jere di plui di cinc milions di euros di rigjâf. (a.d.g.) – 27.11.2024
