79
I carabinîrs di Udin a àn eseguît il secuestri preventîf, dal Gip dal tribunâl di Bressie, indreçât ae confische di cetancj bens cuintri di doi talians di 48 e 45 agns za cjapâts intes provinciis di Padue e di Rovigo par vê rapinât, tra il Març dal 2019 e il Zenâr dal 2021, 21 assalts ai bancomat in cuindis citâts dal Nord Italie. Si trate di une cjase ristruturade di pôc dal valôr di 10 mil euros, di un camion, di un caravan e di 20 mil euros in contants.
I carabinîrs a àn di fat scuviert che ducj chei bens a jerin stâts comprâts cui bêçs robâts dai bancomat.
Cuant che al finirà il procès, se i doi a vessin di jessi condanâts, dut ce che al è stât secuestrât al sarà confiscât. (a.d.g.) – 21.05.2024
