Cjapitanarie di puart e Vuardie di finance a àn secuestrât plui di doi cuintâi di prodots itics li dal confin di Rabuiese, indulà che al jere stât blocât un furgon.
No dome i prodots no vevin documents a puest, ma pe grant part a jerin scjadûts. Pe precision, tal furgon cun targhe lituane a son stâts cjatâts 225 chilos tra pes marinât, secjât, ûfs di salmon e di sturion Beluga cence nissune segnadure e 10 chilos di gjambars scjadûts.
E je stade fate une multe di 11.500 euros e dut il materiâl al vignarà disfat parcè che nol pues jessi mangjât. I controi de Cjapitanarie di puart si son po concentrâts sui ristorants: in particolâr, intun locâl triestin, a son stâts cjatâts 25 chilos di robe no segnade o scjadude. In chest câs la multe e je stade di 1.500 euros. (a.d.g.) – 18.02.2025
