Secuestrâts undis pumars di cjan a Lignan

Il Cuarp forestâl regjonâl tai dîs passâts al à secuestrât undis cjanuts a Lignan. I pumars cence microchip e cence documents sanitaris a jerin traspuartâts in cundizions une vore brutis dentri di une auto cun targhe francese, che e rivave dal Est Europe. Lis razis a jerin shihtzu e maltês.

Inte auto i agjents a àn cjatât trê citadins rumens e i cjanuts fracâts sot des sentis de auto. Inte machine no jerin ni mangjative ni aghe pes besteutis.

I trê rumens a son sot investigazion par trafic ilecit e maltratament di animâi. I cjanuts, che a stan ben, a son stâts puartâts tal centri di recupar di S. Ganzian. (a.d.g.) – 18.09.2024