Segnaletiche metude a puest vie par l’Istât a Udin

Vie par l’Istât e tacaran i lavôrs di manutenzion de segnaletiche stradâl, orizontâl e verticâl, dilunc des stradis di Udin. Îr la Zonte comunâl e à fat bon il progjet esecutîf dal intervent che al costarà 320 mil euros. A saran pituradis lis liniis de cjarezade, rifats a gnûf i cartei stradâi fruiâts e cambiâts chei plui ruvinâts di viis e di placis.

I lavôrs si fasaran in dutis lis stradis di competence comunâl, infûr che chês dal centri storic, za metudis dentri de convenzion fate cun Sistema Sosta e Mobilità. (a.d.g.) – 08.05.2024