Il Cuestôr di Pordenon al à decidût di sospindi par 15 dîs un esercizi public intal centri citadin di Pordenon.
La decision e je rivade daspò de barufe violente sucedude denant dal locâl nome cualchi dì indaûr, che e à cjapât dentri un grup di minôrs.
Il proviodiment al è stât cjapât ancje dopo dai controi fats de Polizie dal inizi di chest an inte aree dal esercizi public, indulà che i clients a jerin ben cognossûts parcè che prejudicâts plui voltis ancje par spaç di droghe, reâts cuintri de persone e dal patrimoni.
I residents dal puest a vevin plui voltis lamentât za tal 2023 che a vevin pôre di passâ di chês bandis sot sere parcè che plui voltis a jerin stâts agredîts di delincuents che a vevin ancje fiscât lis machinis parcadis di chês bandis. (a.d.g.) – 05.07.2024
