Slac su la piste ciclabile di Frisanc bande Manià

Un slac al à fermât cheste matine la circolazion dilunc de ciclabile-perdonabile che di Frisanc e puarte a Manià. Diviers clapons si son stacâts de part alte di une cueste dongje de galarie de ‘strade vecje’. Par fortune no son ferîts: nissune persone si cjatave in chel moment intal pont interessât dal slac.

I volontaris de scuadre comunâl di Protezion civîl di Frisanc, intervignûts sul puest, a àn proviodût ae rimozion dai clapons e ae mitude in sigurece dal trat di viabilitât cjapât dentri dal slac. (A.D.G.) – 14.04.2023