Une aree di plui o mancul 60.000 metris cuadris e plui o mancul 10.140 metris cubis di pantans che a derivin des ativitâts di dragament dai canâi inte lagune di Grau e di Maran a son stâts metûts sot secuestri dal personâl de Vuardie Costiere di Lignan. Al è il risultât di une ativitât complesse di investigazion che e à permetût ancje di individuâ i responsabii di cheste ativitât ilecite.
La ativitât di control, intune cun personâl de Arpa dal F-Vj e personâl tecnic dal Comun di Tisane, e à rivuardât une ativitât di agheculture cun metodi biologjic par verificâ il rispiet de normative ambientâl cun riferiment particolâr ae gjestion dai sediments che a vegnin des ativitâts di dragament dai canâi, ancje parcè che la aree interessade dai lavôrs si cjate dentri di une zone sometude a vincul paisagjistic e tutelât de Rêt Nature 2000. Dai risultâts de ativitât di investigazion ambientâl e je stade informade la autoritât Judiziarie Competente di Udin. (a.d.g.) – 11.01.2024
