Domenie un zovin talian de provincie di Vignesie al è stât arestât dopo che i financîrs di Pordenon lu àn fermât par controlâ i documents intant che al vuidave la sô auto. Cuant che i agjents i àn domandât se al ves droghe cun lui, il zovin daurman al à declarât che al veve cun se 5 dosis di cocaine e une di marihuana. I oms de Vuardie di finance si son metûts in suspiet pe masse disponibilitât dal om e pal fat che al someave une vore gnervôs.
E cussì i àn domandât il permès ae Procure de republiche di fâ un control a cjase sô, in provincie di Vignesie. Dentri cjase a son stâts cjatâts 40 dosis di cocaine, 2,8 grams tra hashish e marihuana, 6 pirulis di Mdma, un belancin di precision e 9.700 euros considerâts il vuadagn dal spaç di droghe.
La robe e je stade secuestrade intant che il zovin al è stât arestât. (a.d.g.) – 24.03.2025
