A son vot i citadins che intai ultins dîs a son stâts cjatâts cjocs ae vuide de lôr auto dai carabinîrs de Compagnie di Sacîl dilunc dai controi fats par blocâ chei che a bevin o che si droghin.
Desenis lis personis controladis doprant ancje l’etilometri e di lôr vot a son stadis cjatadis positivis cun valôrs dai 0,6 ai 2,10 grams par litri di sanc. A jerin ducj oms, zovins di etât tra i 22 e i 27 agns di la’ di doi oms di 50 agns. E propit i doi vuidadôrs plui vielis a son chei che a vevin bevût di plui tant che tal ordin a vevin tal sanc 1,98 e 2,10 grams di alcul par litri, alore i carabinîrs a àn ancje secuestrât lis machinis. Al jere positîf ancje un zovin di 21 agns che al veve cjapât di pôc la patente e che par lui la regule e je alcul zero, invezit al veve 0,60 grams par litri.
Cjapât ancje un om di 27 agns di origjin ghanese che al vîf a Davian e al vuidave cuntune patente falade. (a.d.g.) – 27.03.2025
