9
Incident inte scuele medie Peloso Gaspari di Tisane, indulà che un student di 12 agns al è colât par plui o mancul cuatri metris intant che si cjatave su lis scjalis. Il zovin si è fat mâl ma nol è in pericul di vite. Il student al è stât daurman judât e sul puest al è rivât di corse l’elicotar che lu à puartât tal ospedâl indulà che lis sôs cundizions a son stadis stabilizadis.
La polizie locâl e sta investigant par sclarî cemût che al è sucedût l’incident. (a.d.g.) -10.01.2025
