Stuis a len difetosis, cinc intosseâts a Triest

Cinc personis a son restadis intosseadis vie pe gnot dopo dal malfunzionament di dôs stuis a lens. Ducj i doi i episodis a son sucedûts a Triest e a àn domandât l’intervent sul puest dai sanitaris e des Vuardiis dal fûc.

Il prin câs al è sucedût intune abitazion dal centri dulà che a son stadis cjapadis cuatri personis, dutis traspuartadis tal ospedâl di Cattinara. Trasferît intal stes ospedâl ancje un om, che si è sintût mâl intun edifici de perifarie par causis leadis simpri al monossit di carboni. Nissune des cinc personis, par fortune, si cjate in cundizions gravis. (a.d.g.) – 05.12.2023