Svintule di multis su la Çumpiel – Secuals

Il rispiet dai limits di velocitât al è une des prioritâts de Polizia di Stato. Par chest, la polizie stradâl di Pordenon e à aumentât i controi su lis stradis principâls dal Friûl Ocidentâl. La setemane a pene passade, a son stadis impegnadis tantis patuliis, dotadis di Telelaser, che a àn individuât dîs violazions dilunc de viabilitât extraurbane, in particolâr dilunc de Çumpiel-Secuals. Intun câs al è stât decidût il ritîr imediât de patente, parcè che il limit massim al jere stât passât di passe 40 km/h. Ben 57 lis fotografiis par ecès di velocitât, siet su mieçs pesants; in doi câs e je stade ritirade la patente. (A.D.G.) – 04.08.2022