Trê feminis a son restadis feridis a Midun chest dopomisdì dopo jessi ladis a finîle cul lôr auto, dopo un svol di 50 metris, intune scarpade. Une persone che e à viodût ce che al jere sucedût al à clamât a colp i socors, intervignûts cuntune ambulance rivade di Secuals e l’elisocors.
Secont ce che al è stât ricostruît des Vuardiis dal Fûc intervignûts sul lûc, in localitât Borc Blanc, dilunc di une manovre l’auto e je lade fûr cu lis ruedis de sede stradâl e e je lade jù dilunc de scarpade, finint la corse cuintri dai arbui, dopo jessisi disledrosade.
Dôs feminis a son stadis traspuartadis al ospedâl Sante Marie dai Agnui di Pordenon e la tierce e je stade traspuartade in svol al ospedâl Sante Marie de Misericordie di Udin. In maniere fortunade, par dutis lôr dome feridis lizeris. (A.D.G.) – 07.03.2023
