Tacât il procès inte Cort di assise di Udin pal omicidi Tisi

Al è tacât vuê inte Cort di assise di Udin il procès indulà che al è imputât Bruno Macchi di 29 agns, presint inte aule, acusât de muart di Luca Tisi, copât cun 85 curtissadis vie pe gnot dai 15 di Avrîl dal 2023 inte galarie Alpi a Udin.

Al è un procès cence parts civîls che i difensôrs di Macchi, i avocats Massimiliano Basevi e Cristian Buttazzoni, a àn clamât il procès des solitudinis.

Pocje int presinte ae udience: tra chescj cualchi amì dal imputât cuant che al viveve intune comunitât par zovins a Livorno, la sô uniche famee. (a.d.g.) – 03.05.2024