La assessore al Sport dal Comun di Udin, Chiara Dazzan, e à consegnât i lavôrs par tornâ a fâ lis cuviertiduris e lis struturis principâls dal “Parc di ciment (Parco Desio)”, un lûc di incuintri storic pai cuartîrs dai Riçs, di S. Domenico e Villaggio del Sole inte aree dongje di vie Lombardia, doprât di cetancj adolessents e ancje dai grancj pe ativitât sportive. Un progjet previodût di agns ma mai puartât a compiment, che la aministrazion di cumò e à volût fâ par valorizâ i spazis di agregazion. Si partirà duncje cu la sostituzion des cuviertiduris, che a vevin bisugne di intervents drastics par garantî protezion e sigurece, di là dal adeguament antisismic; l’intervent al durarà cualchi mês par un cost di 650 mil euros. (A.I.) – 19.02.2024
Tacâts i lavôrs tal “Parc di ciment” a Udin
67