Tal magazen 4 dal puart di Triest vot migrants intosseâts dal monossit

Vie pe gnot di îr, vot migrants afghans a son restâts intosseâts dal monossit di carboni par cause di un scjaldin impiât dentri de stanzie indulà che a vevin cirût ripâr dal grant frêt, dentri dal magazen 4.

I oms, di etât tra i 20 e i 40 agns, a son stâts curâts dal personâl dal 118 cul ossigjen. Nissun di lôr al è stât a risi di murî, ancje se cuant che a son rivâts i infermîrs a stavin une vore mâl. (a.d.g.) – 21.02.2025