Tampieste di primât a Daçan: cuasi 19 centimetris

Un gran di tampieste di 19 centimetris di diametri, racuelt tor des 11 di sere di lunis ai 24 di Lui a Daçan in provincie di Pordenon: al sarès chel plui grant mai colât in dute Europe, su la base dai dâts storics disponibii. Lu àn scrit i specialiscj dal European Severe Storms Laboratory, specificant che il record di prime al jere di pôcs dîs indaûr: un toc di glace di 16 centimetris colât a Carmignano di Brenta, ai 19 di Lui. Il record mondiâl al reste par cumò chel dal gran di 20,3 centimetris colât intal 2010 intai Stâts Unîts a Vivian, in South Dakota, dome 1,3 cm in plui. (A.I.) – 26.07.2023