Taramot in Turchie: alarme ancje in Friûl, ma par pocjis oris

Une fuarte scjassade di taramot, di 7.9 grâts, e je stade regjistrade aes 4.17 di matine (lis 2.17 in Italie) intal Sud de Turchie, no lontan dal confin cu la Sirie, inte provincie di Gaziantep. I muarts a son za plui di mil e i numars a son in inzornament costant. Su la base dai dâts elaborâts dal Centri alerte tsunami dal Istitût nazionâl di gjeofisiche e vulcanologjie, la Protezion civîl e veve inviât une alerte par pussibilis ondis di maremot fintremai su lis cuestis talianis dal Mâr Adriatic dopo de scjassade. Si veve pôre che la onde anomale e podès interessâ in misure margjinâl ancje lis cuestis dal Friûl-Vignesie Julie, ma la alerte e je stade revocade tor metât matinade. (A.I.) – 06.02.2023