Tentatîf di rapine intune sale slot a Lavorêt

Un om cul cjâf cuviert di une cape al à cirût di rapinâ la sale slot Rojal Prestige di Lavorêt, dopo vê sierât tal bagn il titulâr de ativitât.

Il delincuent ae fin nol à rivât a puartâ vie nuie. Forsit parcè che nol saveve ce fâ o forsit parcè che al veve pôre di jessi cjapât, l’om al è scjampât prime che a rivassin i carabinîrs dal nucli radiomobîl di Sacîl.

Il titulâr, un citadin cinês, al à rivât a clamâ cul so telefonin prime il fi e dopo i carabinîrs che a àn daurman controlât i filmâts des telecjamaris dal locâl. (a.d.g.) – 25.06.2024