Artesan origjinari di Denemonç nomenât miôr gjelatâr todesc

Thomas Micolino, nassût a Denemonç e lât a vivi in Gjermanie cu la famee cuant che al jere ancjemò frutin, al è stât nomenât il miôr gjelatâr todesc dilunc de Fiere di Rimini.

Intal 2023 Thomas al jere stât il prin in Europe a fa il gjelât cu la farine di grîs e a Rimini al à concuistât i judiçs cuntun gjelât fat doprant lat di camele. In gare a jerin 18 gjelatârs, che di chei 14 a jerin talians che a lavoravin in Gjermanie. (a.d.g.) – 21.01.2025