72
Cundut che si continue a ripeti trop pericolôs che al sedi lâ ator par strade cjocs in bale, i carabinîrs a continuin a blocâ int che al è un miracul se e sta in pîts.
Îr sore sere i carabinîrs di Palme a àn ritirât une patente e un patentin: la prime a un om di 52 agns di Çarvignan cjatât ae vuide de s Opel cuntun tas alcolemic di 1,63 grams par litri, ven a stâi passe trê voltis plui di chel che si pues. Pal om che al vuidave pardabon in maniere pericolose, e je stade fate ancje une denunzie penâl.
Ancjemò a Çarvignan al è stât denunziât pe vuide daspò vê bevût masse un om di 31 agns cjatât intant che al lave ator sul so scooter cuntun tas di 1,12 grams par litri. Ritirade la patente ancje a lui. (a.d.g.) – 27.05.2024
