Il Procuradôr de Republiche di Pordenon, Raffaele Tito, al lasse il Friûl. Il Consei Superiôr de Magjistrature lu à nomenât Procuradôr de Republiche di Verone. Nassût a Gurize 60 agns indaûr, dopo jessi stât in servizi par dîs agns inte Vuardie di Finance, il concors in magjistrature e la prime incarghe a S. Vît dal Tiliment, intal 1987 al rive pe prime volte ae Procure di Pordenon. Di li a pôc, intai prins agns ‘90, al devente famôs pes inchiestis inviadis di procuradôr sostitût, inte suaze di “Tangentopoli”, jentrant inte scuadre di “Mani pulite” a Milan. Tornât une prime volte a Pordenon, po dopo a Triest al à colaborât cu la Procure Distretuâl Antimafie, intal 2010 al è rivât a Udin e dal 2017 al è stât su la spice de Procure di Pordenon. (A.I.) – 05.04.2023
199
