Tornade a cjase di bessole la fantate di 15 agns di Purcie

E je tornade a cjase di bessole dopo jessi lade vie par cuasi doi dîs: e je lade a finî ben la fuide di une fantate di 15 agns origjinarie de provincie di Salerno che e vîf a Purcie. La zovine e jere jessude di cjase miercus a buinore par lâ a scuele cence però tornâ plui a cjase.

A jerin stâts i gjenitôrs, une vore in pene, a denunziâ la disparizion, tant che daurman, sot dal coordenament de Prefeture di Pordenon, a jerin tacadis lis ricercjis de minôr. Vuê a buinore la fantate e je tornade a cjase in maniere spontanie. (a.d.g.) – 19.04.2024