Tornade a vierzi a la svelte la strade a Tramonç disore, blocade di un slac

E je stade vierte a la svelte la viabilitât tra il lât di Redone e la localitât di Cjampon, a Tramonç disore, dopo une verifiche de cueste di indulà che a son slacâts clapons inte prime serade di îr che a vevin blocât la strade. Inevitabil la decision di sierâ al trafic par evitâ pericui, ma cumò la strade e je vierte e sigure. (ADG) – 6.12.2022