Tornât a ameti al concors parcè che lis domandis a jerin faladis

Cui esaminial cui che al prepare i esams? E je la domande che e nas spontanie dopo che un professôr aspirant al à vinçût il ricors al Tar. Dutis lis rispuestis pussibilis ae domande dal quiz a jerin faladis. E propit par vie di chê domande, l’om nol jere stât ametût ae prove orâl dal concors par une catidre aes superiôrs dal Friûl-Vignesie Julie. Cussì al à fat ricors al Tar dal Lazi che i à dât reson e lu à ametût al orâl. Protagonist de vicende un professôr aspirant che l’an passât al à partecipât al concors pe classe Filosofie e Siencis umanis. Ogjet dal contindi une domande che e rivuarde lis teoriis di Howard Gardner, psicolic statunitens celebri pe sô dotrine su lis inteligjencis multiplis. In nissune des soluzions pussibilis, però, e jere citade la inteligjence multiple. A certificâ la scoretece des rispuestis a son stâts no dome che un coleç di docents universitaris, ma ancje il stes Gardner cuntune letare dai Stâts Unîts. (a.d.g.) – 25.10.23