A jerin ancje trê dipendents tra i laris che a vevin puartât vie cetant materiâl dentri de Technonicol di Pasian di Pordenon dal Otubar dal 2023 al Març dal 2024.
I carabinîrs de stazion di Prate, cul jutori dai coleghis dal Nucli operatîf di Sacîl, a àn denunziât cuatri sogjets responsabii di robariis ingriviadis dentri de dite.
Si trate di un colombian, C.V.W.G. di 37 agns resident a Pordenon, e dai rumens M.R.I di 37 agns, resident a Daçan, e V.I., di 28 agns, resident a Purcie, ducj acusâts di vê robât une vore di rodui di membranis bituminosis za prontis par jessi metudis in vendite, intant che a fasevin il turni vie pe gnot.
Il cuart al è il rumen I.N. resident a Cessalt in provincie di Trevîs, che al è acusât di vê comprât i rodui par dopo tornâ a vendi dut ai clients par 25-30 euros ognidun. (a.d.g.) – 13.05.2024
